Дэлхийд танигдъя

Монголын програм хангамж үйлдвэрлэлийн салбарын III чуулган

Зорилго

   Хурлын зорилго нь цаашид дэлхийд танигдсан стартап бизнесийг Монголдоо бий болгож хөгжүүлэх, одоогоор олон улсад бүтээгдэхүүнээ танилцуулан хөрөнгө оруулалт татахаар ажиллаж байгаа стартап компаниудтай туршлага солилцох, АНУ-ын силикон валлейд ажилладаг мэргэжлийн экспертүүдээс онлайн зөвлөгөө авах, төр засгийн бодлого, дэмжлэгийг энэ салбар луу чиглүүлэхэд оршино

Зорилт

  • Стартапын тухайд нэгдсэн ойлголттой болох
  • Бидэнд ямар давуу болон сул тал байгааг олж тогтоох
  • Олон улсад бүтээгдэхүүнээ танилцуулан, хөрөнгө оруулалт босгоод байгаа үндэсний стартапуудын туршлагаас хуваалцаж, мэдлэг солилцох
  • АНУ-ын Силикон валейгийн эксперт, олон улсад хүлээн зөвшөөрөгдсөн компаниудын зөвлөгөөг сонсох
  • Дэлхийд танигдсан старапыг бий болгохын тулд бид юу хийх шаардлагатай арга замаа тодорхойлох

Чуулганы танилцуулга

     Програм хангамжийн үйлдвэрлэл эрхэлдэг хувийн хэвшил үүсэн бий болсоноос хойш даруй 20 гаруй жил өнгөрчээ. Энэ хугацаанд дотоодын зах зээлийн хэрэгцээ шаардлагыг хангах үүднээс үндэсний үйлдвэрлэгчид тодорхой хэмжээнд хөгжиж ирсэн. Гэвч энэхүү хөгжлийн хажуугаар дутагдалтай талууд бий болсон. Үүний нэгэн жишээ нь програм хангамжийн үндэсний үйлдвэрлэгчид дотоодын эдийн засгаас шууд хамааралтай болсон. Зөвхөн дотоодын зах зээлд тулгуурласан үйлдвэрлэгчид, зах зээлийн хэлбэлзлээс шалтгаалан үйл ажиллагаагаа хумих, чадварлаг программистууд өндөр хөгжилтэй орон руу ажиллахаар зорих зэрэг үзэгдэл ихээр ажиглагдах боллоо. Энэ нь програм хангамжийн үндэсний үйлдвэрлэлийн хөгжлийг хязгаарлаад зогсохгүй, цаашдын боломжит нөхцөл байдлуудад хүндрэл учруулж буй.

     Энэхүү нөхцөл байдлаас гарч, цаашдын програм хангамжийн үндэсний үйлдвэрлэлийн хөгжлийг урагшлуулах нэн шаардлага тулгарч байна. Бидэнд өнөөгийн нөөц бололцоогоо бүрэн дүүрэн ашиглан дэлхийд танигдсан програм хангамж үйлдвэрлэх бүрэн боломж байгаа. Энэ нь зөвхөн дотоодын зах зээлд тулгуурлах бус харин олон улсын зах зээлд бүтээгдэхүүнээ амжилттай танилцуулснаар эдийн засгийн өсөлтөд шууд нөлөөлж, оюуны бүтээлээр бий болсон экспортыг нэмэгдүүлж, улмаар валютын ихээхэн хэмжээний урсгалыг бий болгох боломжтой. Өнөөдөр олон Монгол залуус дэлхийд тэргүүний компаниудад ажиллаж, баялаг бүтээж байгааг бид мэднэ. Тэд бидэнд дэлхийд танигдсан бүтээгдэхүүн үйлдвэрлэх чадамж байгааг илт нотлон харуулж байна.

     Энэхүү салбарын хөгжилд төр засгийн дэмжлэг, програм хангамжийн компаниудын нэгдсэн ойлголт, стартап бизнесийг дэлхийн зах зээлд гаргах туршлага, хөгжлийн бодлого дутагдаж байна. Олон улсын туршлага дээр тулгуурлан бид асуудлуудыг нээлттэй хэлэлцэж нэгдсэн ойлголтод хүрэх нь нэн шаардлагатай. Энэхүү үүднээс 2015 оны 11 дүгээр сарын 11-ний өдөр “Дэлхийд танигдъя” уриатайгаар програм хангамж үйлдвэрлэлийн салбарын 3 дугаар чуулган Мэдээллийн технологийн үндэсний паркт зохион байгуулагдана.

     Хурлын зорилго нь цаашид дэлхийд танигдсан стартап бизнесийг Монголдоо бий болгож хөгжүүлэх, одоогоор олон улсад бүтээгдэхүүнээ танилцуулан хөрөнгө оруулалт татахаар ажиллаж байгаа стартап компаниудтай туршлага солилцох, АНУ-ын силикон валлейд ажилладаг мэргэжлийн экспертүүдээс онлайн зөвлөгөө авах, төр засгийн бодлого, дэмжлэгийг энэ салбар луу чиглүүлэхэд оршино. Програм хангамжийн стартап үйлдвэрлэлийг дэмжиж, олон нийтэд зөв зохистой мэдээллийг түгээснээр дэлхийн зах зээлээс орлогын урсгал бий болгох боломж нээлттэй байгаа.

     Дэлхийд танигдсан Монгол стартап бизнесийг хөгжүүлэх арга замыг олон улсын практикт тулгуурлан хэлэлцэж тодорхойлоход хурлын зорилго чиглэгдэнэ. Тус хурлаар олон улсад бүтээгдэхүүнээ гаргахаар ажиллаж байгаа стартап компаниудын туршлага, АНУ-ын силикон валлейд ажилладаг шилдэг экспертийн зөвлөгөө, боловсрол, эрдэм шинжилгээний байгууллагын зорилтын талаар хуваалцана. Мөн хийж байгаа ажлынхаа талаар илтгэгчид туршлага солилцох бөгөөд эдгээр мэдээлэл дээр хэлэлцүүлэг хийж цаашдын хөгжлийн арга замаа тодорхойлно.

     Мөн төр засгийн бодлого тодорхойлогчидод стартап бизнесийн ач холбогдол, бодит боломжийг танилцуулж тэдэнтэй шаардлагатай хууль, эрх зүйн орчинг бүрдүүлэх талаар санал солилцоно. Хуралд стартап бизнесийг хөгжүүлэхэд оролцох шийдвэр гаргагчид, бодлого боловсруулах төрийн байгууллага, боловсрол, эрдэм шинжилгээний байгууллагын төлөөлөл, гадаад зах зээлд бүтээгдэхүүнээ танилцуулж байгаа стартап компаниуд, стартап компанийг АНУ-ын силикон валлейд бүтээгдэхүүнээ танилцуулах, хөрөнгө оруулалт олох, хамтын ажиллагааг дэмжиж ажилладаг АНУ-ын экспертүүд онлайнаар тус тус оролцоно.

08:30 – 09:00 

Бүртгэлийн ажиллагаа

09:00 – 09:40

Хурлын мэндчилгээ, нээлтийн ажиллагаа

  • Хурлын зохион байгуулагч, Монголын програм хангамж үйлдвэрлэгчдийн холбооны Ерөнхийлөгч Ж.Тамир
  • УИХ-ын дарга З.Энхболд
  • УИХ-ын гишүүн Л.Энх-Амгалан
  • Мэдээллийн технологи, шуудан, харилцаа холбооны газрын дарга Ц.Жадамбаа
  • Скайтел компанийн захирал Д.Болор
  • АНУ-ын Global Tech Ventures компанийн захирал Kayvan Baroumand

09:40 – 10:00

“Стэнфордын их сургууль, Силикон валейгийн хамтын ажиллагаа” илтгэл – Стэнфордын их сургуулийн судлаач Г.Занданшатар

10:00 – 10:20

Монголын стартап эко системийн төлөвшил илтгэл Стартап Монголиа ТББ-ын Дэд ерөнхийлөгч Б.Идэр-Од

10:20 – 10:40

Програм хангамжийн компаниудын олон улсад гарах боломж, хэрэгжүүлж буй туршлага илтгэл – Мэдээллийн Технологийн Үндэсний Паркын захирал Б.Мягмарнаран

10:40 – 11:00

Цайны завсарлага

11:00 – 11:20

"АНУ-ын Силликон Валейд гарах арга зам"онлайн илтгэл – АНУ-ын Силликон Валейгийн US Business Consulting and Investment компанийн захирал Майкл Гуревич

11:20 – 11:40

“Дэлхийн орнуудын стартап бизнесийн талаар төрөөс баримталж байгаа бодлого” илтгэл – Монголын програм хангамж үйлдвэрлэгчдийн холбооны Ерөнхийлөгч Ж.Тамир

11:40 – 12:00

Стартап бизнесийг дэмжих боломж” илтгэл Скайтел компанийн Төслийн менежер Э.Баярмагнай

12:00 – 12:30

Хэлэлцүүлэг 1:Стартап бизнесийн нэгдсэн ойлголтод хүрэх нь

Оролцогчид: Г.Занданшатар, Б.Идэр-Од, Б.Мягмарнаран, Скайтель төлөөлөл, Ж.Тамир
Модератор: С.Энхжаргал

12:30 – 13:30

Үдийн хоол

13:30 – 13:50

“Гадаад зах зээл рүү гарах оролдлого” илтгэл –Xslides стартапын хамтран үүсгэн байгуулагч Ц.Чинзориг

13:50 – 14:10

“Стартапын олон улсын арга хэмжээнд оролцсон туршлага” илтгэл – MIITTY стартапын үүсгэн байгуулагч Г.Гантүшиг

14:10 – 14:30

 “Стартап байгуулж, хөрөнгө оруулалт татсан туршлага” илтгэл – Dream positive стартапын үүсгэн байгуулагч С.Энх-Ирээдүй

14:30 – 15:00

Бүтээгдэхүүнийг олон улсад борлуулж буй туршлага” илтгэл – Н.Өлзийбат, ThemeTon багийн үүсгэн байгуулагч

15:00 – 15:30

Хэлэлцүүлэг 2: “Дэлхийн зах зээлд бид хаана байна вэ”

Оролцогчид: Ц.Чинзориг, С.Энх-Ирээдүй, Г.Гантүшиг, Н.Өлзийбат.
Модератор: Ж.Тамир 

15:30 – 15:50

Цайны завсарлага

15:50 – 16:20

Стартап бизнесийн хууль, эрхзүйн зайлшгүй мэдэх асуудлууд илтгэл – Minter Ellison Австралийн хуулийн фирмийн захиралЭлизабет Эллис

16:20 – 16:50

Стартап бизнесийн анхаарах санхүү болон татварын асуудлуудилтгэл - Pricewaterhousecoopers (PwC) компанийн Гүйцэтгэх захирал Ч. Цэндмаа

16:50 – 17:10

Стартап бизнес хөрөнгө оруулагчийн нүдээрилтгэл Ард Санхүүгийн нэгдлийн ТУЗ-ын дарга Ч.Ганхуяг

 

 

17:10 – 18:00

Хэлэлцүүлэг 3: Хурлын дүгнэлт, зөвлөмж, хаалт

Оролцогчид: Ж.Тамир, С.Энхжаргал

Хэлэлцэх сэдвүүд

Стартап бизнес гэхээр олон хүмүүс шинээр эхэлж байгаа бизнестэй андуурдаг. Энэ ташаа ойлголтоос улбаатай хөрөнгө оруулалт татах, олон улсад гарах боломжоо алдаж байдаг. Цаашид бид бүхэн стартапын тухайд нэгдсэн ойлголттой болж, өндөр хөгжилтэй орнууд стартап бизнесийн чиглэлээр бидэнд ямар боломж олгож байгаа тухай мэдээлэлтэй болсоноор богино хугацаанд өндөр өсөлттэй олон улсад танигдсан бизнес эрхлэх боломж бүрдэх юм.

Дэлгэрэнгүй

Сүүлийн үед ухаалаг утас, интернэт, мобайл аппликейшны хэрэглээ эрс нэмэгдсэнтэй холбогдуулах стартап бизнесийн зах зээл улам тэлж байна. АНУ-д саяхан л стартап компаниа байгуулж байсан залуу “саятан” болчихсон гүйж явах нь энгийн үзэгдэл болжээ. Гэтэл бид энэ том зах зээлийн хаана нь байна вэ? Бид энэ зах зээлд тодорхой хэмжээний байр суурь эзлэхийн тулд юу хийсэн бэ? ...гэх мэт олон асуулт ар араасаа хөврөн гарна. Эдгээр асуултын хариуг хамтдаа олцгооё

Дэлгэрэнгүй

Дэлхийн олон орон мэдлэгт суурилсан эдийн засгийг бий болгосноор хөгжлийн өндөр түвшинд хүрсэн байдаг. Энэ өндөрлөгт хүрэхэд тухайн орны технологийн дэлхийн зах зээлд эзэлж байгаа байр суурь чухал нөлөөтэй. Ялангуяа стартап бизнесийн хувьд богино хугацаанд хүрээгээ тэлдэг онцлогтойгоо уялдан богино хугацаанд дэлхийд танигдаж, зах зээлд эзлэх байр сууриа тэлэх боломжтой байдаг. Бид цаашид стартап бизнесээрээ дэлхийд танигдахын тулд юу хийх ёстой вэ?

Дэлгэрэнгүй

Ерөнхий зохион байгуулагч

Хамтран зохион байгуулагч

Ерөнхий ивээн тэтгэгч

Ивээн тэтгэгч

Дэмжигч байгууллагууд

Мэдээллийн ивээн тэтгэгч